جنينة الاحزان مافيهاش ولا انسان الا انا وحدي
بصرخ اااااااااه بصرخ ااااااااااااه
اصرخ ومين يهتم و بتبكي عيوني دم ودموعي علي خدي
جنينه الاحزان مافيهاش ولا انسان إلا انا وحدي ... الا انا وحدي
====
جنينه فيها كتير مجاريح وانا اللي قلبي تملي جريح
ولو عدي فيها الفرح بيعدي زي الهوا والريح
********
فيها العذاب اشكال والوان وانا ويا جرحي ياناس سهران
اسقي الشجر دمع عينيا وكل مره يقول عطشان
********
جنينة فيها الناس تايهيين ودموعي تجري وقلبي حزين
وكل واحد جرحي كبير ومين هيسأل بس في مين
*******
شجر المر طرحلي مرار وفضلت اشرب ليل ونهار
ومافيش حد حاسس بجروحي وبحر دنعي مالوهش قرار
*******
مالقتش صاحب يواسني من شوك طريقي يعديني
او حد يسال يوم عني يمسح بايده دمـــوع عيني
******
جنينه فيها هموم انواع من كل صنف ولون اوجاع
واللي انكسر صعب رجوعه ومين يرجعلي اللي ضاع
******
شكيت ياناس والقلب احتار وروحت ازور شجر الصبار
قالي الجنايني يا خساره معدش في في الشجره ثمار
******
جاني الجنايني يريحني كان كل امله يفرحني
وقالي روح خدلك ورده راح قابلني شوكها وجرحني
******
جنينة الاحزان مافيهاش ولا انسان الا انا وحدي .... الا انا وحدي
بصرخ ااااااااااااااااه بصرخ اااااااااااااااااه
اصرخ ومين يهتم تبكي عيوني دم ودموعي علي خدي
.... ودموعي علي خدي
موضوع: جنينة الاحزان 
الجمعة 18 ديسمبر - 14:42
