الحلوه دى

13/12/2008

[ندعوك للتسجيل في المنتدى أو التعريف بنفسك لمعاينة هذه الصورة] الحلوه دى [ندعوك للتسجيل في المنتدى أو التعريف بنفسك لمعاينة هذه الصورة]

الحلوه دى قامت صلت فى الفجريه

والصبح شقشق فى سماها شويه شويه

فردت شباكها على المالح .. زى امبارح

طلع الشبك بالخير طارح فى العصريه

[ندعوك للتسجيل في المنتدى أو التعريف بنفسك لمعاينة هذه الصورة]

الحلوه فردت ملايتها فى القيَّاله

وسط الإيدين الشقيانه والشغاله

سمِّت معاهم واتقاسموا .. رزق وقسَمُه

رب النعم سمُّوا بإسمه ورِضْيوا الحاله

[ندعوك للتسجيل في المنتدى أو التعريف بنفسك لمعاينة هذه الصورة]

الحلوه فردت منديلها هناك ع المينا

شراع يقابل ويودع كل سفينه

رسمت على المنديل رسمَه .. دمعه وبسمه

أصل الفراق والُّلقا قِسمهْ ووعد علينا

[ندعوك للتسجيل في المنتدى أو التعريف بنفسك لمعاينة هذه الصورة]

الحلوه نزلت فى المغرب تمشى شويه

وتْبل رجليها وتحضن قلب الميَّه

الموج يعاكس خطوتها .. ْلغاية بيتها

والشمس تغرب وساعتها بتشرق هىَّ

[ندعوك للتسجيل في المنتدى أو التعريف بنفسك لمعاينة هذه الصورة]

الليل يطل على عيونها ويرمى تحيه

يفرد نسيمه على الساحل يملا الدنيا

يحضن غناوى البحاره .. يْلف الحاره

يشفى النفوس الأمَّاره تْبات مرضيَّه

[ندعوك للتسجيل في المنتدى أو التعريف بنفسك لمعاينة هذه الصورة]

الحلوه مش بحر ومينا وليل بحاره

دى تاريخ وفن وميت مدفع وقت الغاره

ومناره للعلم ورايه .. وشوف ويايا

فى المكتبه ألف حكايه وألف أماره

[ندعوك للتسجيل في المنتدى أو التعريف بنفسك لمعاينة هذه الصورة]

مرسى وبوصيرى وقبارى وشاطبى وجابر

وياقوت وبشر وابو الدرداء نورهم طاير

يحضن سماها وميتها .. يبوس رملتها

يملا القلوب بمحبتها بقدرة قادر

[ندعوك للتسجيل في المنتدى أو التعريف بنفسك لمعاينة هذه الصورة]

ينده كُريِّم مِ القلعه يلم جنوده

حالف مايرحم كل اللى يعدى حدوده

هب النديم من بين الناس .. صحَّى الإحساس

قال عمرنا ما نوطِّى الراس سِلْوْ جدوده

[ندعوك للتسجيل في المنتدى أو التعريف بنفسك لمعاينة هذه الصورة]

درويش يمسِّى على الصحبه ويمسك عوده

وسلامه يعزف ألحانه ويرمى وروده

بيرم يلم الناس حواليه ..يبدر حكاويه

وكلامه دايما له معانيه وليه مردوده

[ندعوك للتسجيل في المنتدى أو التعريف بنفسك لمعاينة هذه الصورة]

القلب أبيض لون بحرك وعيونك نور

والروح خفيفه وبترفرف زى العصفور

برد الشتا فْ حضنك دافى .. وْصيفك صافى

وخريف سنينك متشافى بربيع مسحور

[ندعوك للتسجيل في المنتدى أو التعريف بنفسك لمعاينة هذه الصورة]

يا حبيبه قالوا كتير عنك وكتير إتقال

قالوا ماريا وصبيه ومليون موال

وهبوكى للبحر عروسه .. وْمَهرك بوسه

على ثغر مصر المحروسه بتزيده جمال

[ندعوك للتسجيل في المنتدى أو التعريف بنفسك لمعاينة هذه الصورة]

17/10/2009

يا جامد يا حوده

نايس توبيك

13/12/2008

تسلم يا شعراوى منورنى

02/12/2009

نايس توبيك يا محمود
تسلم ايدك

17/10/2009

بنورك ياقمر

13/12/2008

ثانكس يا تويتى منورانى