موضوع: الانطباع الاول فى رايك يدوم او لايدوم؟؟؟؟؟؟؟؟؟؟ الخميس 22 أكتوبر - 8:55
بصراحه الموضوع ده مهم جدا لانه بياثر على كتير من العلاقات بين الافراد فمثلا تشوف واحد بيهزر فى موقف معين تعتقد انه انسان فنى وتشوف واحد فى موقف معين بيزعق تعتقد انه انسان جاد بس الموضوع مش كده خالص انت عشان تحكم على انسان لازم تعاشره فتره طويله وطبعا ماينفعش تحكم على انسان انه طيب او خبيث الا بعد ماتعاشره ويكون فى مواقف تبين كل واحد على حقيقته مثلا وقت الشده وفى احتياجك لاموال وفى ازماتك الصحيه ويكلمك من غير مايكون فى مصلحه بينكم بجد اللى يعمل كل ده بيكون انسان كويس اوى واوعى تحكم على انسان من كلامه معاك مره او مرتين لان طبيعى اتنين بيتعرفوا على بعض جديد كل واحد بيكون لابس قناع وبيحاول انه يظهر على افضل حال وطبعا بعد فتره بينخلع القناع من على وجه الاشخاص وبتشوف كل واحد على حقيقته انا ده رايى انا اتشرف انى اعرف رايكم
موضوع: رد: الانطباع الاول فى رايك يدوم او لايدوم؟؟؟؟؟؟؟؟؟؟ الخميس 22 أكتوبر - 16:33
بص يا محمد بالنسبالى لما بشوف حد مثلا ومن غير ما اتكلم معاه لاكن بلاحظ مثلا تصرفاته وكدة باخد عنه انطباع من خلال تصرفاته وبتفضل معايا كدة على طول الانطباعات دى لحد لما يحصل موقف تانى يغيرلى الانطباع دة [ندعوك للتسجيل في المنتدى أو التعريف بنفسك لمعاينة هذه الصورة] بس هو عموما لازم طبعا اتعرض للشخص اللى قدامى ونتكلم علشان اعرفه كويس بس بيبان على الواحد من الاول لاكن فيه ناس ممكن تاخد عنها فكرة مثلا مش كويسه ولاكن تكتشف انهم طيبين جداااا ودة حصل معايا كتير
موضوع: رد: الانطباع الاول فى رايك يدوم او لايدوم؟؟؟؟؟؟؟؟؟؟ الخميس 22 أكتوبر - 20:10
انا من رأى العشرة افضل لانى انخدعت فى اصحابى ومش كلهم لكن بعضهم وفعلا رأى محمود برده صح ان الواحد ممكن يكون انطباعه عن شخص من خلال تصرفاته يعنى انا هحكم على فلان انه عاقل ومحترم اكيد من كلامه معايا وتصرفاته مع الناس ومثلا فلان طايش ومتهور ومش كويس هيبان من تصرفاته وهحكم عليه بس الانسان مبيعرفش بمثل للاخر وهيجى يوم وينكشف وكل الكلام ده فى النهاية زى ما انا قولت فى البداية العشرة لانى هحكم على تصرفاته من خلال كلامه معايا ويامااااااااااااااااا كلنا اتخدعنا فى ناس كتيررررررررررررررر اوى
موضوع: رد: الانطباع الاول فى رايك يدوم او لايدوم؟؟؟؟؟؟؟؟؟؟ الخميس 22 أكتوبر - 23:47
انا بقى الدنيا علمتنى انى ما اديش لحد الامان غير لما اشوف منه مواقف ودى زى اثباتات كدا وبعدين عاجبنى اوى المثل اللى بيقول : تعرف فلان؟ اه عاشرته ؟ لا يبقى ما تعرفوش وافضل وقت ممكن تعاشر فى انسان فى السفر كله بيبان على طبيعته
موضوع: رد: الانطباع الاول فى رايك يدوم او لايدوم؟؟؟؟؟؟؟؟؟؟ الجمعة 23 أكتوبر - 0:11
انا لما اشوف حد مثلا باخد عنه فكره بس مش بحكم الى لما اتعامل معاه اتعلمت من المواقف كده بس فى ناس بيبقى ظاهر عليهم يعنى بيبقو لايطاقو يعنى وما اكترهم اليومين دول وبردو فى ناس من اول نظره ترتاحلهم يعنى سيماههم على وجوههم
موضوع: رد: الانطباع الاول فى رايك يدوم او لايدوم؟؟؟؟؟؟؟؟؟؟ الجمعة 23 أكتوبر - 8:52
شكرا ليكم التوبيك منور بيكم
موضوع: رد: الانطباع الاول فى رايك يدوم او لايدوم؟؟؟؟؟؟؟؟؟؟ الأحد 29 نوفمبر - 0:36