راجعلك يابلادى وجاى لك فى المعاد...............راجعلك بشوقى ولو بينى وبينك بلاد

راجعلك يابلادى مهما يطول البعاد...............راجعلك بشوقى وجاى لك فى المعاد

راجعلك يابلدى يااغلى البلاد..............................اسمك فى دمى وجوه الفؤاد

راجع تانى لاجدع صحاب واهلى والاحباب...............راجع للناس اللى حبتهم وزاد حبى ليهم بعد البعاد

راجع تانى للعيون اللى وحشانى والقلوب اللى مش هتنسانى..........وراجع للحبيب اللى دوبنى ولو غبت العمر كله هيستنانى

مهما يطول البعاد اكيد راجع فى المعاد..................راجع للناس اللى حبتهم وزاد حبى ليهم بعد البعاد

وحشتينى يابلادى من يوم غيابك عن عينى............انا لسه مشتاقلك وصورتك دايما بتجينى

مشتاق لايام زمان ومشتاق لبنت الجيران .............مشتاق اشوفها فى نفس المكان اللى حبنا اتولد فيه وفيه حسينا بالامان

راجعلك يامصر ومعاكى دوقت طعم النصر.........لو كان بايدى لكنت بنتلك قصر ورموشى تضلل عليه

نيلك بيجرى فى دمى واسمك ماغاب يوم عن فمى..............بلجا اليكى فى كربتى وانتى الوحيده اللى هتنسينى غمى

مسافر بلا عنوان خايف محتاج للامان...............الامان الموجود فيكى ومش موجود زيه فى كل البلدان

مهما الزمان يفرقنا اكيد هيجمعنا القدر..........................القدر اللى جمعنا زمان بعد ما الحب انهدر

بفضل اردد اسمك قبل اما انام وحلمت بيكى اجمل احلام............انا العاشق وانا المحروم وانا المشتاق المحتاج للامان

مشتاقلك يابلادى ومش قادر على النسيان .................................انا العاشق الولهان المحتاج للامان

شايلك فى قلبى وصورتك دايما فى عينى...............بفضل دايما فاكرك وصورتك فى احلامى بتجينى

مسافر بلاعنوان وقصه اشتياقى لبلادى يعجز عن ذكرها اللسان.....بس اكيد راجع تانى لاغلى البلاد مصر بلد الامن والامان

راجع تانى للعيون اللى وحشانى والقلوب اللى مش هتنسانى.............وراجع للحبيب اللى ضحكنى وبكانى ولوغبت العمر كله هيستنانى

بعد مالفيت كل كل البلاد زادنى شوقى لاغلى البلاد مصر............ منبع الابطال والرجال وايد واحده عند النصر

حاولت ادارى دموع عنيا وانا بكتب القصيده دى وبفتكر ام
الدنيا.............مصر بلدى اغلى البلاد اللى دايما فاكرها وعمرها ماغابت
عن عينى لثانيه

راجعلك يابلادى مهما يطول البعاد...............راجعلك بشوقى وجاى لك فى المعاد

يارب طول فى عمرى ورجعنى لبلدى اللى وحشانى.............بلدى اللى عايشه فى وجدانى وكيانى
[ندعوك للتسجيل في المنتدى أو التعريف بنفسك لمعاينة هذه الصورة] تم تقليل : 71% من الحجم الأصلي للصورة[ 560 x 369 ] - إضغط هنا لعرض الصورة بحجمها الأصلي
[ندعوك للتسجيل في المنتدى أو التعريف بنفسك لمعاينة هذه الصورة]

جميلة اووووى يا ابو المعاطى والله تسلم