بحبك يازمالك...اهداء لكل زملكاوى

30/09/2009

بحبك يازمالك

بحبك يازمالك ومعاك دقت طعم النصر.............يابطل مصر وبطل كل عصر

معاك عرفت معنى النصر وعشت احلى ايامه ولياليه ............ياريت كان بايدى لكنت بنتلك قصر ورموشى تضلل
عليه

بتعدى ايام وسنين واحنا معاك.............وانا عارفك عمرك مابتتمسك بللى رماك

حبى ليك بيزيد يوم ورا التانى..............ومن غيرك احس ان فى حاجه نقصانى

يازمالك يامدرسه واحنا التلاميذ بنشجعك وهنقف جنبك من جديد...............واملنا كبير فيك ياعميد

صورتك قصاد عينى فى اى مكان بروح..........وحبك وحده بيشفى كل الجروح

دايما على بالى مهما تطول الليالى..........ومن غيرك قلبى خالى وفعينى انت الغالى

ياتاريخ وامجاد وبطولات ياما قالوا فيها كلام..........وحبك فى قلبى ماعرف يوم خصام

بحبك وبشجعك وبخاف عليك...........وصورتك فى قلبى معلمه ورموشى بتضلل عليك

يازمالك احنا معاك على طول فى الفرح بنشجعك وفى الحزن بنواسيك...........ولو تعبت هنداويك وفحبى ليك الشوق يناديك

من يوم ميلادى وانا بشجعك ولو فتحتلك قلبى هيقولك احلى كلام يتقال..........وعشقى ليك فى كل مكان واحنا معاك فى كل البلدان

ابطال افريقيا فى كل الالعاب............وقصه حبى ليك بيتحاكى فيها الاحباب

احنا معاك مش هنسيبك فى الفرح حبيبك وفى الجرح طبيبك......ونعمل ايه مكتنوب علينا نعشقك وهو ده نصيبك

انا منك وانت منى وشوقى ليك على طول شاغلنى.............وحنينى ليك على طول واصلنى وحبى ليك على طول واخدنى

يوم ورا يوم عينى ماتدوق النوم من غيرك ومعاك بغسل كل الهموم............وبرد على كل اللى يقطعوا فيك وكل اللى ملهومش لزوم

من حبى ليك عرفت ايه معنى الحب وعشت معاك احلى ايامى فيه............لو فتحتلك قلبى صعب يقولك عللى فيه

احنا معاك ياعميد فى كل مكان............من بورسعيد وحتى اخر البلدان

يازمالك حبك موجود فى دمى ومكانك محفور فى قلبى.............ياحبيبى ياطبيبى يامداوى غمى

حرموك يازمالك من لقب نادى القرن.........لكن عندى انت بطل القرن وبطل كل قرن

جوايا كلام كتير عايز اقوله............مايكفيك اتكلم عليك الليل بطوله

لو اتكلمت عليك ايام وليالى مايكفنى اى كلام يتقال...........وفراقى ليك ده شيىء محال وصورتك دايما على البال

مهما حاولوا يوقعوك او يقطعوا فيك............احنا معاك هنوقفهم وهنخليهم يرجعوا ويعتذروا ليك

بوعدك انا هفضل اشجعك وهتفضل على بالى مهما تطول الليالى............وهفضل احلم بيك وببطولاتك وهتفضل انت الغالى

بحبك يازمالك ومعاك دقت طعم النصر............ يابطل مصر وبطل كل عصر

اهداء محمد جمال ابوالمعاطى لكل زملكاوى[ندعوك للتسجيل في المنتدى أو التعريف بنفسك لمعاينة هذه الصورة]

08/10/2009

جميل اووووووووووووووووى الكلام ده يا ابو المعاطى

ومبرووووووووووووووووووووووووووووووووووووووك
للزمالك
[ندعوك للتسجيل في المنتدى أو التعريف بنفسك لمعاينة هذه الصورة]

04/04/2009

ههههههههههههههههههه
جميله اوووى
ويارب الزمالك يرجع
ويبقى زمالك واسماعيلى
مش اهلى وبس

30/09/2009

يارب

ودى اقل حاجه ممكن اقدمهالك يافريقى المفضل يازمالك وهضل اشجعك حتى لو نزلت درجه رابعه