حاجة لازم تعرفوها قبل ما تشوفوا القصيدة : دي اول قصيدة باللغة العربية اكتبها بالاشتراك مع حد و المرة دي مش اي حد ده ابو المعاطي و اكيد شوفتوا القصايد الجامدة اللي كاتبها و اللي ماشفهاش ياريت يشوفها عشان بجد طلع فنان و بجد والله مش كلام و انتوا عارفين كدة و ده شرف ليا ان يكون اول قصيدة اشترك فيها مع حد, يكون ابو المعاطي و انشاء الله هنكتب اكتر مع بعض ..
قصة القصيدة : دي الاساس اللي بنينا عليها القصيدة و انا و ابو المعاطي اتفقنا عليها قبل ما نكتب حرف واحد و قررنا نعملها حاجة فرايحي عشان خاطر سعيد اللي مدوخنا معاه ( مرة يقولي بحب الحزين و مرة يقولي عايز فرايحي ) بس بردة احنا تحت امرك يا سعيد و مش هنزعلك ..
القصة : ان في واحد بيحب واحدة و هيا دايما مش حاسة بيه و عنية بتبقي دايما عليها بس هيا مش اخده بالها و بيعد يقربلها و بيوصف كل خطوة بيعملها لحد لما تحس بية و بعد كدة الاحساس بتاع القصيدة بيتغير و بيبدا يوصفها و يوصف حبة فيها و في الاخر خالص هيوصف سعادتة و حياتة معاها ..
شكل القصيدة و تقسيمها :هيا قصيدة طويلة (41 سطر) عبارة عن سطور مش فقرات بس كل سطر مرتبط باللي قبلة و قسمناها بالنص .. انا سطر و ابو المعاطي سطر و الحمد لله كنا احنا الاتنين في نفس المود و هتحسوا ان اللي بيكتب الكلام واحد بس مش اتنين و في الاخر جملة خاتمة و كتبناها احنا الاتنين مع بعض ..
--------------------- بحبك
بحبك و اه لو تعرف اللي بيا .. بحبك و بتمني لو كل كلمة منك تبقي ليا انا عشت عمرى بحلم بلقاكى.........ليه انتى مغرمه بالقلب اللى رماكى انا اللي احلامي اتولدت و عاشت جواكي .. انا العاشق الحاسس بهواكي فى عنيكى بلاقى كلامى كتير نفسى اقوله.........وفقلبى بلاقى غرام سنين صعب اطوله في لمسة اديكي احساسي بيكي صعب اقوله .. في غرامك وصفت حبي لليل بطوله حلم عمرى اللى عشت احلم بيه ايام وليالى.........هتفضل فى قلبى وهتفضل فى بالى عيني بتشغلني عليك و قلبي بينادي عليك ولا انت داري .. ضحيت في حبك بقلبي ولا شئ بقالي لوسالتى قلبى عن شوقى ليكى هيقولك احلى كلام..........وفعنيكى بحلم وبغرق فى الهيام هيقولك انتي اللي عشت سنيني احلم بلقاه .. هيقولك ان انتي اللي شاغلاني وبجد مش كلام بحبك اوى ولو كنت فين اناديلك.............لو غبت يوم قلبى يجيلك بحبك موت و لو عمري ثانية هعيشهالك .. لو طال بعادك عني دموعي بتناديك و عيوني مشتقالك انا عشت عمرى عليك بدور وكنت بحلم بيك..............حبك شاغلنى والشوق قاتلنى وواخدنى ليك لقيت احلامي فيكي و لقيت لحبك في قلبي بيت .. حبي ليكي في قلبي كل يوم بيكبر اكتر ما اتمنيت علمتنى معنى الحب وعيشتنى احلى ايامه............وصورتك فى قلبى معلمه وبتزود فى غرامه اخدتني من بين الناس و سرقت قلبي من مكانه .. غالي عليا حبك و غرامك اللي اجي في اوانه قصه هوانا قالوا فيها كلام كتير..............وحبك فى قلبى الاول والاخير قصة عشاق ملهاش لا اول ولا اخر .. قصة قلب فضل منك قريب و انت بعيد و مسافر فاكر يوم مااتقابلنا فى الماضى اللى فات..............والله كانت اجمل ذكريات يوم من عمري عدي بسرعه ووقفت فيه الساعات .. اه لو يرجع الزمن و احيي بيكي حلمي اللي مات البعيد منك قريب وحبى ليك عمال يزيد........وحنينى ليك على طول يزيد وشوقى ليك موجود اكيد قربي و بنبض قلبك طمني قلبي اللي في حبك عاش وحيد .. انا الحالم اللي عاش عمره بيحلم بلمسة ايد قربى ليا وضمينى.........لمسه ايديكى بتحيينى دا انتي اللي ليا في الدنيا ديه و حبك اللي ساكن عيني .. متبعديش عني و في حضن قلبك خليني بتوحشنى حبيبى كل يوم اكتر من التانى...........وشوقى ليك ملهم لوجدانى بتوحشني و هقولها و اعيدها يا ملاك ايامي .. انا بحبك و مش هنسي انك علشاني انت فين من زمان ياملاك روحى..............واحشنى بجد يامداوى جروحى انت فين ياللي عشت في عينيك احلي ايام .. انت فين ياللي عشت بنده بأسمك لحد ما انام حبيبى تعالى بناديلك...........قلبى الحزين يغنيلك حبيبي تسوي ايه حياتي لو كانت من غيرك .. بتوحشني و بقولها حتي و انا عايش بين ايدك قلبى سالنى عليك ايام وليالى............وفحبى ليك الليل يحلالى احلامي بتقربني من عينيك و بأيدي ايه ؟ .. بحبك و مش هبعد عنك و اعمل ايه ؟ الله علينا عايشين فى دنيا لوحدينا شايفنها بعنينا...........الله علينا قصه حبنا لمسنها بايدينا دنيا مفهاش غير حبي ونار حبك اللي حرقت ماضينا .. احلي دنيا و انت معايا و الغرام عايش فينا بتوحشنى فى كل لحظه انا فيها بعيد عن عنيك........لو بس تيجى تبوصلى والمس ايديك بتوحشني في كل مكان اتقابلنا فيه .. بتوحشيني لما اشوف صورتك حبيبتي واشتياقي ازاي اخفيه انا عشت قبلك ايام وسنين بدور عليك.........حلمت بيك وفيك لاقيت روحى اللى بتحتاج اليك انا عارف ان انت حبيبي .. انت في فرحي قريبي و في جرحي طبيبي و في حزني الوحيد اللي داري بي وانا معاكى بحس اننا فى عالم تانى............عالم مليان بالشوق والاماني بحس بكل دقة قلبك رد عليا بيها .. بحس بعيونك اللي عشت حياتي بحلم بيها هتفضل حبيبى للسطر الاخير.............وحبك فى قلبى الاول والاخير بوعدك اني اعيش اللي جاي من عمري قصاد عينيك.............وهفضل احلم بيك وبضحكتك وبلمسه ايديك
--------- النهاية --------- Signed by /M!Do & Abo El Maaty
عدل سابقا من قبل M!do في الأربعاء 14 أبريل - 10:52 عدل 5 مرات
موضوع: رد: - قصيدة بحبك - بالاشتراك مع ابو المعاطي الثلاثاء 13 أبريل - 16:02
بجد ياميدو ده انا الشرف ليا ان اكتب معاك والله بجد عارفين ياجماعه انا قولتلكم قبل كده ان كل واحد مننا جواه شاعر كبير بس هموم ومشاغل الحياه الكتيره بتنسينا نعبر عن نفسنا وانا بعبر عن اللى جوايا واللى انا حاسه بس لكن انت فنان جامد بجد عارف عندك موهبه الشعر وانا اتوقعلك تكون ان شاء الله حاجه جامده جداااااااااااا فى المستقبل ان شاء الله ويارب القصيده تعجبكم
موضوع: رد: - قصيدة بحبك - بالاشتراك مع ابو المعاطي الثلاثاء 13 أبريل - 20:17
ابو المعاطي .. بصراحة مش هنسي جميلك عليا و مش هنسي ان بفضلك اول قصيدة اكتبها مع حد طلعت جامدة اوي كدة ... انا مش مصدق ان احنا اللي كتبنا الكلام ده ... مش عارف اقولك اية .. من النهاردة اي قصيدة عايز تكتبها قولي و انا اكتبها معاك عشان طول ما كلامك بيكمل كلامي هنفضل نكتب احسن و احسن -------------------------------- و بعد لما خلصنا القصيدة دي قررت انا و ابو المعاطي نهدي كلمة للمنتدي
"من بين المنتديات انا اخترتك...........بحروف من قلبى انا صورتك" - ابو المعاطي "فيك لمست يعني اية حب و يعني اية احساس .. يا احلي منتدي و بقولها لكل الناس" - ميدو [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: - قصيدة بحبك - بالاشتراك مع ابو المعاطي الثلاثاء 13 أبريل - 20:27
بجد بجد حاجه جامده موووووووووووووووووووووووووووووووت تسلم ايديكو ياشباب وان شاء الله دى تبقى البدايه ونستنى منكو حاجات كتير
موضوع: رد: - قصيدة بحبك - بالاشتراك مع ابو المعاطي الأربعاء 14 أبريل - 22:27
جامدة اوى تسلم ايدكوا
موضوع: رد: - قصيدة بحبك - بالاشتراك مع ابو المعاطي الأربعاء 14 أبريل - 23:03
موضوع: رد: - قصيدة بحبك - بالاشتراك مع ابو المعاطي السبت 17 أبريل - 23:27
شكرا علي مرورك يا بطاطا و قريب هنحط القصيدة الجديدة اللي بنكتب فيها بس يظهر انها قصيدة نحس .. اللي فاتت كتبناها في يومين .. دي بقالها اسبوع اهي و داخلة في التاني عشان بسافر كتير اليومين دول للاسماعلية و مش فاضيين نكتبها سوا تبع برلمان الجامعة بس انشاء الله هنخلصها الصبح قبل ما اسافر
موضوع: - قصيدة بحبك - بالاشتراك مع ابو المعاطي 
الثلاثاء 13 أبريل - 13:33
