موضوع: بدعيلك تنساني (أول بويم بالعربي ليا في المنتدي) الجمعة 9 أبريل - 14:32
بدأت فيها الخميس قبل الكلية الساعة 7 الصبح و خلصتها الجمعة الساعة 1 الضهر بتاريخ 9\4\2010
كلمة احب اقولها قبل ما تقروها: [ندعوك للتسجيل في المنتدى أو التعريف بنفسك لمعاينة هذه الصورة] دي تعتبر تاني بويم اكتبها بالعربي في حياتي كلها و رأيكوا يهمني جدا عشان لو في اخطاء احاول اصلحها المرة الجاية , انا بقالي اكتر من سنه بكتب بالانجليزي و العربي بالنسبة ليا صعب شويه خصوصا ان اللاب توب بتاعي حروفة انجليزي بس ف كنت بكسل اكتب بالعربي ... [ندعوك للتسجيل في المنتدى أو التعريف بنفسك لمعاينة هذه الصورة] شكرا.. نصيحة :[ندعوك للتسجيل في المنتدى أو التعريف بنفسك لمعاينة هذه الصورة] لو متضايق و اكلينيكيا مش متظبط بلاش تقراها عشان هيا دراما و قصه حقيقية و ممكن تضايقك اكتر و تفكرك بحاجات ملهاش لزمة ..[ندعوك للتسجيل في المنتدى أو التعريف بنفسك لمعاينة هذه الصورة]
بحاول انساك حبيبي .. بحاول انسي ان قلبك كان مني قريب بحاول ابعد حبيبي .. بحاول ابعد عن عينيك اللي بتعذبني لما بتغيب بحاول اقولك اني مجروح .. بحاول اقولك ان دموعي عمرها ما هتروح قرب اكتر و اكتر .. و هتعرف ان جراحي عمرها ما هتخف ابعد اكتر و اكتر .. هتلاقي دموعي هتعيش بعدك و عمرها ما هتجف ابعد و انساني .. انا هعيش لنفسي و مش هلومك حبيبي لو قلت اني اناني هاجي علي نفسي .. هدوس علي قلبي و امحي اسمك من حياتي هعيش مجروح .. هعيش بدموع و لحبك مش عايز رجوع مش هقدر حبيبي .. اعيش حلم و اصدقه و اقول انك حبيبي مش هقدر احبك .. ولا اعيش لحد تاني لا قبلك ولا بعدك لو هعيش .. هعيش عشان انسيك اللي حصل مني من جروح لو هعيش .. هعيش عشان اقولك اني بعدك ضاعت مني الروح هصبر قلبي .. هخبي حبي و اوعدك اني مش هبكي علي اللي راح هعيش و انت مش جنبي .. هعيش و اقول علي حبك انه كان ذنبي أسف .. أيوه اسف علي كل حلم شوفته في عيني و حسيت بيه أسف .. اسف علي بدايتي ل طريق من غير ما اسأل نهايته ايه كنت خايف .. كنت شايف في عينيكي انك عايزه تقولي كلام هيا عينيكي .. هيا اللي بتعذبني و تفكرني بيكي كل يوم لما اجي انام خوفتني .. خوفتني عليكي و علي حبي ليكيي من غدر الايام ليه كنت ضعيف .. ليه تهت فيكي و مشيت من غير ما اعرف فين هروح ليه قفلتلك قلبي .. و انت كل باب قدامي في قلبك كان ليا مفتوح ايه خلاني قاسي .. ايه خلاني قدامك و لكل نظرة منك كنت ناسي ايه خلاني هادي .. اية خلاني في حبك عشت ساكت و راضي عشت لنفسي .. و نسيت اعيشلك و اهديكي علي عمرك زماني انا هبعد و امشي .. هبعد عن قلبك و هبطل احلم تاني هعيش من غير قلب .. من غير حب .. و بدعيلك تنساني و تنسي معايا احزاني
موضوع: رد: بدعيلك تنساني (أول بويم بالعربي ليا في المنتدي) الجمعة 9 أبريل - 20:10
hahahahah .... rbna y5aleek enta elly prince wallahy 3ashan nawart el topic dah .... ashofak bokra fel kolleya ya hima [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: بدعيلك تنساني (أول بويم بالعربي ليا في المنتدي) الجمعة 9 أبريل - 20:16
[ندعوك للتسجيل في المنتدى أو التعريف بنفسك لمعاينة هذه الصورة] شكرا يا سعيد و اكيد كاتبها لواحدة زي القمر [ندعوك للتسجيل في المنتدى أو التعريف بنفسك لمعاينة هذه الصورة] و لسه ... هوا انتوا لسة شوفتوا حاجة ؟ و بعدين دي بداية بس ... زي ما قلتلك دي تاني بويم عربي اكتبها ... يعني لسة في كتييييييييير في الطريق اكيد جامدة عشان الناس اللي زي العسل اللي بيقروها [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: بدعيلك تنساني (أول بويم بالعربي ليا في المنتدي) الجمعة 9 أبريل - 21:21
عارف ان كل كلمه من قلبك
موضوع: رد: بدعيلك تنساني (أول بويم بالعربي ليا في المنتدي) الجمعة 9 أبريل - 21:26
موضوع: رد: بدعيلك تنساني (أول بويم بالعربي ليا في المنتدي) السبت 10 أبريل - 18:37
قريب قوي يا تويتي اصل الحاجات دي الواحد بيكتبها من اللي بيشوفه انشاء الله في واحدة هبدأ اكتب فيها يوم الاربع الجاي بعد لما اخلص امتحان المدخل هيكون عنوانها "يا رب" بس هتكون نكد اكتر من كدة ... اديني حظرتكوا اهه عشان محدش يلومني [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: بدعيلك تنساني (أول بويم بالعربي ليا في المنتدي) السبت 10 أبريل - 20:57
بصراحة يا جماعة ردودكم شجعتني و خلتني معديش الليلة دي غير لما اكتب البويم الجديدة اللي لسة قايل عليها من ساعتين ... اللي هيا بعنوان " يا رب " و اللي هتنكد عليكوا الليلة و تقلبها غمم و هتقفلكوا اليوم انشاء الله ... قولو اميين [ندعوك للتسجيل في المنتدى أو التعريف بنفسك لمعاينة هذه الصورة] -------- انا كتبت 75% منها .. و هيا في صورة فقرات .. انشاء الله تعجبكوا هخلصها علي الساعة 10 النهاردة [ندعوك للتسجيل في المنتدى أو التعريف بنفسك لمعاينة هذه الصورة] --------------------- وانت يا عم سعيد ... مش حارمك من حاجة اهوه ... قلتلي حزن .. وربنا لا هخليك تعيط و انا وراك و الزمن طويل [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: بدعيلك تنساني (أول بويم بالعربي ليا في المنتدي) الإثنين 12 أبريل - 10:39
بالتوفيق وحاول ان اعمالك دي تقدمها من خلال الكلية وتشترك في مسابقات ، هو دة التفاعل
موضوع: رد: بدعيلك تنساني (أول بويم بالعربي ليا في المنتدي) الإثنين 12 أبريل - 17:23
شكرا لحضرتك يا دكتور محمد علي ان اسمك اللي منور في الموضوع بتاعي و بتمني انها تكون عجبت حضرتك ..
بالنسبة لموضوع اني اقدم اعمالي و اني ادخل بيها مسابقات .. حضرتك اكيد في كتير بيكتبوا احسن مني و من تأليفهم مش من اللي عايشينه في الواقع و غير كده مفيش تشجيع في الكلية خالص يدفع الواحد انه يظهر اعماله و غير كده في كلام بيبقي بين الواحد و نفسه في كتاباته و بيفتكر بيها موقف معين او لحظة في حياته كل مرة يقرأ فيها الكلام بتاعه و ممكن غيره ميتقبلش انه يشاركه اللحظه دي لانها ممكن تأثر عليه بحزن و ده مش مطلوب .. [ندعوك للتسجيل في المنتدى أو التعريف بنفسك لمعاينة هذه الصورة] اخر حاجة احب اقولها :
النهاردة كنت في الكلية و في محاضرة عملي واحد من العريش قال للدكتور انه بيكتب شعر .. الدكتور اخد الموضوع هزار و عدي الموضوع عادي بعد المحاضرة الشاعر ده طلع و قال شعره و بصراحة كان كلامة جامد و موزون و مش كلام عادي من اللي موجود في الاغاني و كده .. بالعكس ده كان عربي فصحي بس محدش قدره و فكر في معاني الكلام و كلة اخد الموضوع ضحك و تريقه ...[ندعوك للتسجيل في المنتدى أو التعريف بنفسك لمعاينة هذه الصورة] لما واحد بيكتب شعر كده و كان رد فعل الناس علية كده .. يبقي لو شافوا كلامي ممكن يعملوا اكتر من كده و بصراحة مقبلش اني ادي حاجة ملكي لحد مش مقدرها و مفيش غيري ممكن يقدرها عشان انا اللي تعبت فيها..[ندعوك للتسجيل في المنتدى أو التعريف بنفسك لمعاينة هذه الصورة] شكرا لحضرتك علي مرورك علي التوبيك و ده شرف ليا ... [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: بدعيلك تنساني (أول بويم بالعربي ليا في المنتدي) الإثنين 12 أبريل - 17:57
بص يا ميدو ، انا لما كنت في سنك كنت بكتب شعر وزجل باللغة العامية ، واشتركت في مسابقات وانا في سنة تانية وتالتة ورابعة واخدت جوايز وانا في رابعة يعني في مرحلة نضوج من سنة اولى لرابعة ولو استسلمت وانت في سنة اولى مش هاتحقق نجاح . بالنسبة للدكتور اللي اتريق على الطالب الشاعر ، هاقولك حكاية لذيذة حصلتلي وانا في تأهيلي الدكتوراة ، كان في اساتذه بيمتحنونا في التربية الرياضية بشكل عام ولجان فسيولوجي وتدريب وادارة ، وفي وسط الاسئلة اللي كلها عن التربية الرياضية ، دكتور منهم وهو الدكتور عصام الهلالي استاذ علم الاجتماع الرياضي ، وقال مين فيكم عندة موهبة ، مع احترامي لكل الزملاء اللي كانوا معايا محدش منهم كان عندة موهبة ولما سألني قلتلة كتابة الشعر ، قاللي سمعني حاجة ، قلتلة قصيدة كنت اخدت بيها مركز تاني على كليات فرع بورسعيد وانا في سنة تانية ، وكانت عن فلسطين ، واتبسط منها قوي ويمكن دي هي اللي رجحت نجاحي في الامتحان شوفت ان الموهبة ليها دائما اثر لا لا لا لالالالالالالالا تستسلم واكتب اللي جواك بس في نفس الوقت لاتهمل دراستك
موضوع: رد: بدعيلك تنساني (أول بويم بالعربي ليا في المنتدي) الإثنين 12 أبريل - 18:10
شكرا لحضرتك و علي كلام حضرتك الي بيحمسني علي اني اشترك بس في مشكلة .. اني مش بعرف اكتب من خيالي غير بالانجليزي .. لاكن العربي بكتب مواقف حصلتلي و بوصفها علي شكل قصيدة شعرية و بلعب بالكلام و ترتيبة في الجملة بس في سياق معني القصيدة و الشاعر الحقيقي اللي بيكتب من خيالة عشان بيقدر ينتج القصة اللي الناس عايزة تقراها و بيقدر يتحكم في اتجاه كلامة عشان يوصل لكل واحد بيقرا كلامة ... لاكن اللي بيكتب من الواقع بيبقي كلامه محدود و بيدور حول موضوع واحد بس و مش اي حد ممكن يحسه ---------------- و بعد لما عرفت من حضرتك ان حضرتك شاعر قديم احب انتهز الفرصة و اطلب من حضرتك تكتب قصيدة للمنتدي اليومين دول لو حضرتك عندك وقت فاضي عشان نتعلم من حضرتك و نكتسب من خبراتك [ندعوك للتسجيل في المنتدى أو التعريف بنفسك لمعاينة هذه الصورة]
موضوع: رد: بدعيلك تنساني (أول بويم بالعربي ليا في المنتدي) الإثنين 26 أبريل - 18:16
الله ينور يا ميدو تسلم ايديك بجد ودماغك
ومنتظرين منك الجديد على طول
موضوع: رد: بدعيلك تنساني (أول بويم بالعربي ليا في المنتدي) الإثنين 26 أبريل - 18:52
ربنا يخليك يا باشا و علي فكرة انا اليومين دول بكتب قصيدة جديدة مع ابو المعاطي بس كنا عايزين نعملها مفاجأة بس انا هخلي قصتها هيا المفاجأة .. و كمان ههديها لعضو معانا في المنتدي قصتة تقريبا نفس قصة القصيدة .. قريب قوي هنحطها .. اللي مأخرني اني عندي امتحانات ميد تيرم اليومين دول ..