موضوع: كلهم بيقولوا كده فى الاول؟؟؟؟؟؟؟؟ الإثنين 22 مارس - 12:20
بصراحه انا ملاحظ ان اى علاقه بين اى 2 بيحبوا بعض جديد تلقاهم بيقولوا نفس الكلام فى الاول انت اول حب واخر حب فى حياتى وتسمع اجمل كلام ممكن يتقال وممكن تلاقى كل واحد فيهم مالف شعر وغزل فى محبوبه وتتلاقى كل واحد فيهم بتمر فيه الثانيه عن محبوبه كانها سنه وبيقضوا الليل كله بيتكلموا ويحبوا فى بعض فليه بعد الزواج بيتغير الكلام ده وتتلاقى الواحد فيهم عامل موبايله صامت عشان مايردش على التانى وخناق على طول وكل الحب اللى فات اتحول لنكد فبجد انا عايز اعرف ليه متستمرش قصه حبنا ونحب بعض طول العمر ذى الاول لو حد عنده اجابه ياريت يقولى
موضوع: رد: كلهم بيقولوا كده فى الاول؟؟؟؟؟؟؟؟ الإثنين 22 مارس - 18:02
انا بصراحه من كتر التفكير كل مره بوصل لنتيجه ان دى هيا سنه الحياه ومش بينفع نغيرها للاسف بس عندى ملحوظه لكلامك ان الحب مابتضيعش الحب موجود بس بيتوه فى زحمه الدنيا والشغل والمسؤوليه ولكن اللى بيتوه منهم وبيضيع بعد الجواز او بعد مرور فتره كبيره من العلاقه الرومانسيه بس سهل اوى نرجعها لو خصصنا على الاقل ساعه فى الشهر نقرر ننسى اى شغل او حاجه فى الدنيا
بجد توبيك اكثر من رائع
موضوع: رد: كلهم بيقولوا كده فى الاول؟؟؟؟؟؟؟؟ الثلاثاء 23 مارس - 3:45
بص يا محمد للاسف فعلا الموضوع ده هو العادى جدا دلوقتى بس ده علشان الاتنين على طول مشغولين بعد الجواز بحجات تانية قبل الجواز مفيش مسؤليه لكن بعد الجواز كل واحد بيحس انه باة عنده مسؤليه كبيره بس انت عارف لو الاتنين فاهمين بعض كويس اوى ممكن بنظرة واحده بس بعد الجواز يحسو ببعض وخصوصا لو اتكملو فى الموضوع ده قبل الجواز ياعنى بمعنى اصح اة كل واحد مسؤل ويعمل اللى عليه وهيباة مشغول لاكن ده ميمنعش ان الاتنين يباة مع بعض فى كل حاجة هما بيعملوها لو كل واحد فكر كدة متهيألى هيبقو قريبين بعض اكتر بعد الجواز من قبل الجواز كمان وهو اصلا قبل الجواز بيباة كل واحد نفسه يشوف التانى طول الوقت ويباة معاه طيب ماهو خلاص اهو الاتنين مع بعض طول الوقت ايه اللى هيتغير باة اكيد حاجة مش طبيعيه ياعنى ان الحب ده يقل يباة هما كدة مش بيحبو بعض حقيقى وان كان حد غرضة حاجة وخلصت خلاص
موضوع: رد: كلهم بيقولوا كده فى الاول؟؟؟؟؟؟؟؟ الثلاثاء 23 مارس - 5:44
لانها اكيد كانت بداه غلط والمفروض ان الكلام الحلو وكلام الحب ده مش بيتقال عمال على بطال انا ممكن احسس اللى قدامى بحبى من تصرفاتى ومواقفى معاه ومن حاجات كتير لان انا اتأكدت ان اللى بيبدوأ حياتهم بالكلام الحلو ده وبحبك ووحشتينى وانتى اتأخرتى عليه ليه وكل الكلام ده فالنهاية مش هتنجح العلاقة دى واصلا بعد الجواز هتلاقى فى ملل لانهم قالوا كل الكلام الحلو وخلصوه ومش لاقين حاجه يقولها تانى
واكيد الكلام الحلو بيتقال بس فى الوقت المناسب طبعا والله صدقونى العلاقة كده هتستمر وهتنجح كمان بجد
جميل اوووووووووووووى توبيكك يا ابو المعاطى اووووووووووووووووووووووووووووى
موضوع: كلهم بيقولوا كده فى الاول؟؟؟؟؟؟؟؟ 
الإثنين 22 مارس - 12:20
