احنا عايزين ايه

23/03/2009

دلوقتى احنا اتحاد طلاب الكلية واتحاد طلاب الكلية يعنى تمثيل لكل طلبة الكلية لوضع افكارهم ووصفها وتوظيف طاقتهم فى شتى المجالات
يعنى احنا حلقة الوصل عشان نشوف انتو عايزين ايه ونعملوا
وللاسف محدش يفهم اوى يعنى ايه اتحاد طلاب وفايدته ايه وممكن يعملك ايه
بص ياسيدى اتحاد الطلاب بيتكون من سبع لجان وهى
الاجتماعية والرحلات
الثقافية
الرياضية
الاسر
الجوالة
العلمية
الفنية
اللجان دى شاملة جميع الانشطة اللى ممكن نعملها
وكل ده والقرار فى ايدينا احنا
يلا نشوف انتوا عايزين ايه ايه نفسك فى ايه
رياضة ومسابقات ، رحلات ، جوالة ، دورات علمية ، تمثيل.. غنا.... الخ .
واوعدكو احاول انفذ كل اللى انتو عايزينو

محمد ممدوح
امين عام اتحاد الطلاب

13/12/2008

زمان مكنش فيه رحلات تبع الكلية ولا حاجة
يمكن من سنتين بس بدأنا نسمع عن رحلات
فياريت يا محمد لو يكون بردوا الترم التانى اكتر من رحله فى اكتر من مكان
ياعنى ممكن اسكندرية وممكن مصر وممكن رحلات علميه
بس الاهم من دة كلو ان يكون فيه اعلان بالكلام دة لان فيه رحلات محدش بيسمع عنها حاجة
وبتبأة على فكرة مفيده ياعنى فيه رحله طلعتها السنة اللى فاتت كانت رحله لمصنع الطيارات الحربيه
كانت رحله جامدة جدا ويوم جامد بجد بس للاسف مطلعش معايا حد من الكلية غير 3 بس والمفروض كان يباة عددنا 15 واحد وكان معانا ناس من كليات تانية واتعرفنا علينا وكان يوم حلو استفدنا منه
والمشكله ان فى رعاية الشباب مقالوش على الرحله دى احنا عرفنا بالصدفة

فياريت لو فيه رحلات عمليه زى كدة فى اكتر من مكان هتبأة كويسة

30/09/2009

ربنا معاكم

23/03/2009

انا معاك يا محمود على فكرة المفروض الرحلات اللى تتطلع من الكلية باسم اتحاد الطلاب لازم تكون مدعمة وتكون من ميزانية الاتحاد
بس للاسف بسبب قلة عدد الطلبة الموجودة فى الكلية ميزانية الاتحاد محدودة جدا
يعنى المفروض طبقا للائحة الطالب يدفع ميقلش 30 % من تمن الرحلة وميزيدش عن 50 % وعشان اعمل رحلة على مستوى يبقى هاخد ميزانية الاتحاد كله واهمل باقى الانشطة المهمة برضه
فبطلع رحلات باسم اتحاد الطلاب هى مبتكونش مدعمة بس باقل تكاليف ممكنة وده بيكون بسبب علاقتنا مع شركات الرحلات والمزارارت
بس احنا اخدنا وعد من العميد ان احنا نطلع بعد الحفلة رحلة مدعمة ب40 % من قيمة الرحلة وتكون عامة على الكلية كلها ويتم الاعلان عنها
والرحلة هتكون
حسب الاراء اللى المفروض تشاركونا فيها
وفى اقتراحات محدودة للاسف وهى
دريم بارك
القاهرة ورحلة نياية والحسين والسندباد
اسكندرية
وحسب استطلاع الاراء انا همشى فى الرحلة
بس ياريت يكون الاراء بدرى وسريع

04/04/2009

الاجتماعية والرحلات ؟؟؟؟؟؟؟؟؟؟؟؟؟؟؟؟ فين
الثقافية
؟؟؟؟؟؟؟؟؟؟؟؟؟؟؟؟؟؟؟ فين
الرياضية ؟؟؟؟؟؟؟؟؟؟؟؟؟؟؟؟ عملت ايه
الاسر ؟؟ ممكن شويه
الجوالة ؟؟؟ ماشفناش حاجه ليها
العلمية ؟؟؟؟؟؟؟؟؟؟؟؟؟؟؟؟؟ معتقدش اننا هنشوف حاجه
الفنية ؟؟ بنشوف شغل مسرحيات بس بس فين الرسم والتصوير
اصل الفن مش تمثيل فى شعر وغناء واقسامه كتير

سؤال بردو هيا الناس الى فى الاتحاد مش المفروض يبقا عندها فكره عن اللجنه الى مسكينها

انا شم بتكلم على الاتحلد بتاع السنه دى لأ
من اول مادخلت الكليه

هو احنا ليه منعملش مسابقات ثقافيه ،دورى كليه فى اكتر من لعبه مش كره القدم بس ، ولو قعدت اتكلم من هنا لبكرا فى مليون حاجه تتعمل
بس احنا عايزين بدايه الموضوع كله محتاج بدايه مش اكتر
والبعد عن المصالح ......
وشكرا .............................................

23/03/2009

بص يا محمد
همشكهالك لجنة لجنة
اولا
الاجتماعية والرحلات
شغلها مش مقتصر على الرحلات بس
فى تكافل اجتماعى ، فى تبرع بالدم ، فى رحلات ، مشابقات اجتماعية
اللجنة اللاجتماعية من انشط اللجان
اولا الرحلات بتتعمل علطول
التكافل بيحصل مبينا ومبين الطلبة الغير قادرين ومش المفروض انك تشمع عنه ، التبرع فى حملة الاشبوع الجاى ، المسابقات حصلت اخرها مسابقة الطالب والطالبة المثالية،الام المثالية ومش ذنبى ان انت مبتقراش الاعلان .

الثقافية
فى رحلة ثقافية اتعملت لمعرض المتاب فى نص السنة وللاشف كان الاعلان عنها على جروب الفيس بوك وبرضه ده مش ذنبى ان انا اتخرت فيها لان العلم بمعرض الكتاب كان متاخر

وللعلم بالشئ ان مفيش اى مصالح زى مانت بتقول لان اتحاد الطلاب عمل تطوعى يهنى انا بقدم خدمات وانطة لحضرتك بدون مقابل

يارب تكون فهمت

بالاضافة احنا هنستضيف خلال شهر 3 شخصية رياضية عشان تعمل ندوة واظن ان الندوات بتتعمل كل سنة

الرياضية
هى اللجنة المسؤلة عن تسليم الجوائز لطلاب المميزين فى الانشطة
وبالنسبة للدورات الرياضية اللى انت عايزها انا ممكن اعملها بس للاسف هتاخد ايام وبالنسبة لحضورك فى الكلية ايه نظامه
عشان كده بنعمله فى يوم رياضى ومعلش انا اتاخرت فى اليوم الرياضى لانى مشغول فى الحفلة لانها بتتكلف جامد ومش عايز اخد فلوس على حساب الحفلة عشان هى اللى بطلع منظر الكلية عموما قدام الكل كويس وومتنساش انها اول احتفالية تنصيب لاتحاد طلاب الكلية فى تاريخ الكلية
وهتتعمل برة الكلية

الجوالة

اتعمل فريق للجوال واتكونت عشيرة جديدة والمفروض هيبدأ التدريب واستلام الشارات من الاربعاء الجاى
طبعا احنا بنعيد دم الجوالة بعد ما اضربت فى اخر مرة وطلعنا بفضيحة واظن انت عارف الفضيحة ايه

الاسر

على فكرة هى المسؤلة عن تكوين الاسر الموجودة فى الكلية بس فى عيب موجود فى كل الاسر ان الطالب مشترك فى اكتر من اسرة وده بيقلل وبيمنع اعمل مسابقات بين الاسر للاسف مفيش اسرة بتشتغل كويس عشان اخترها الاسرة المثالية اسر متعرفش الا الرحلات بس الا من رحم ربى

الفنية

هى اكتر لجنة طالع عينها فى الشغل وعلى فكرة مش زى مانت قايل شغل مسرح بس ولو انت بتبص على الاعلانات المتعلقة كويس كنت عرفت ان كان فى مسابقة عن كل التخصصات الفنية رسم شعر تلوين تواشيح تصوير .................الخ كانت اول الترم الاولا وكانت متعلقة على البوابة
فنصيحة منى اقرا كويس

العلمية والتكنولوجية

وبرضه عشان اعرفك ان انت بتمشى من غير متقرا ولا تبص فى مجلة حائط محطوطة باشم اللجنة العلمية بتتغير كل شهر فى مبنى العميد بالاضافة ان فى دورة ميكوسوفت هتتعمل خلال شهر 3

وعل فكرة اتحاد الطلاب عمل تطوعى يعنى بقدم لحضرتك خدمات بدون مقابل مش مصالح ولا حاجة زى مانت بتقول يا طالب

يارب تكون فهمت ولو مفهمتش تعاللى وانا افهمك اكتر

04/04/2009

هبقى اجيلك عشان تفهمنى
اصلى مخى تخين بعيد عنك