ازاى تجمع بين شخصيه قويه وحب الناس فى نفس الوقت؟؟؟؟؟؟؟؟؟؟؟؟؟؟

30/09/2009

بصراحه معادله صعبه اوى انك تتمتع بشخصيه قويه وتكون حازم فى كثير من الاوقات وفى نفس الوقت تكون انسان لطيف تحب ان يسود جو من المرح وتنال حب الناس فكثير من الناس يتمتعون بشخصيه قويه جدا ولكن غير محبوبون ويتصرفون بحزم فى كثير من الاحيان يتاعملون بالقوانين فقط ويتعاملون باسلوب الثواب والعقاب فقط وطبعا كل منا تعرض اثناء الدراسه لمدرسون ذو شخصيه قويه وترمى الابره تسمع صوتها وتتلاقى الفصل كله مفيش صوت ولكن تتلاقيهم مش محبوبين ابدا من الطلاب كله عندهم ثواب وعقاب ليس لهم اى مفهوم عن كيفيه ان يحبك الناس اللى هوه اساس القياده السليم فلازم المدرس يعتبر نفسه القائد والموجه للعمليه التعليميه ولازم يحبه الافراد عشان المركب تمشى ويقبل الطلاب على التعليم لان بجد الانسان لايعرف ان يؤدى الا وهو فى حاله سيكلوجيه متوازنه يعنى لازم الفرد اللى تفهم منه اى حوار تكون بتحبه وتثق فيه عشان تستفيد منه ومتكونش كثير الضحك عمال على بطال فحاول انك تكون متوازن لو كنت حازم على طول هتكون مكروه من الكل ولو كنت كثير الضحك هتكون السرحه بتاع الناس فحاول انك تكون حازم احيانا ومتسامح احيانا تستعمل الثواب والعقاب احيانا واحيانا تضحك لان انت لو استعملت الثواب والعقاب على طول هتضع الافراد دائما تحت ضغوط نفسيه شديده مما يؤثر على استيعاب التلاميذ وبالنسبه برده للعمل نفس الكلام حاول انك تظهر للافراد ان قوتك نابعه من قوة شخصيتك مش من قوه جسدك حاول انك تكون حازم احيانا عشان اى حد يتعامل معك يعرف انك ليك راى مهم وتخلى كل الناس تعملك الف حساب وتكون متسامح احيانا بعد ان تعرف ايه اسباب القصور بجد لو انت اتعاملت بالمبدا ده هتكون سعيد جدا فاذا كلفت فرد باداء عمل معين ولم يكن جادا فى تنفيذه وتعرف اسباب التقصير منه تتحدث معه وتعرف اسباب هذا التقصير اذا لم يقنعك الاسباب كن حازما فى استخدام العقاب المناسب واذا كان هناك عذر مقبول كن متسامحا انا ده رايي اتشرف ان اعرف رايكم

17/10/2009

ان الشخص يكون اثناء المواقف التي تحتاج الشخصيه يبقي لازم يبقي قوي

وفي مواقف الضحك مسلي ايضا

شكرا ليك يا محمد

08/10/2009

الواحد ممكن يكون قوى ومتعامل بشده فالشغل ولكن خارج نطاق العمل يكون شخص اخر
زى ما فى معيدة فالكلية صاحبتنا وعادى بره المحاضرات لكن جوه المحاضرة صعبه جدا ومع ذلك بنحبها وبحترمها

13/12/2008

اللى يقدر يفرق فى تعاملاته وقصدى هنا التفريق ياعنى ساعه الجد يبأة جد والتهريج تهريج
مش اللى بيفرق فى المعامله بين الناس
دة بتباة شخصيته قوية وبيقدر يتحكم فى المجموعة اللى قدامة
والناس بتحبه لانهم عارفين انو عايز حاجة معينه فى وقت معين
وكدة عمرهم ما هيزعلو منه لانهم فهمو خلاص شخصيته كويس

وثانكس يا محمد على التوبيك