موضوع: ناويين تعملوا ايه بعد ما تتخرجوا الأربعاء 30 سبتمبر - 4:21
]بصراحة زى الوقت ده من السنه اللى فاتت انا كنت متخرج جديد وده موضوع كان صعب جدا لان صعب انك تشتغل بالبكالوريوس بسهوله محدش بيشتغل اللى الغواصيين بس وانا الحمد لله ربنا كرمنى وفتحت محل بلاى استيشن فى منطقة التعاونيات نحية المجمع الاسلامى اهى حاجه بتسلينا والحمد لله انا احسن من غيرى فى ناس لسه مابتشتغلش لغايه الوقت مستنى اعرف منكم انتوا ناويين تعملوا] ايه[/
موضوع: رد: ناويين تعملوا ايه بعد ما تتخرجوا الأربعاء 30 سبتمبر - 9:10
الاول انت منورنا والله فى الموقع ثانيا ياريت تعرفنا بيك اكتر تالت حاجة بأة انت فعلا كلامك صح جدا وهقولك على حاجة مش بس فى كليتنا دة فى كليات كتير كدة نفس المشكله بس بصراحة المشكله فينا احنا كمان ياعنى انا افضل مستنى لحد لما اخلص الكلية وبعدين ابتدى اشوف اعمل ايه وادور على شغل طيب ليه انا ماخدش كورسات من دلوقتى ليه متعملش لغة ليه مأنميش الهوايه بتاعتى فيه حجات كتير اوى احنا بنضيعها ومش بنفكر فيها غير فى الوقت الضايع كان نفسى لو تبأة كل الحجات دى متوفره فى الكلية او الكلية تساعدنا اننا ناخد الدورات دى وكدة بس مفيش فرصة يبأة كل واحد يشوف الحجات دى بره
ولا انت ايه رأيك ؟ انا عايزك تقولى انت دلوقتى بتفكر فى ايه قدام ياعنى كمان كام سنة طبعا مش هينفع مشروع محل لازم تبأة حاجة ثابته ليك
ومنورنا مرة تانية وياريت تعرفنا بأسمك
----
موضوع: رد: ناويين تعملوا ايه بعد ما تتخرجوا الأربعاء 30 سبتمبر - 19:00
انا متفائله اووووووووي بكلمكم ده
الصراحه ادتوني حماس رهيب
موضوع: رد: ناويين تعملوا ايه بعد ما تتخرجوا الأربعاء 30 سبتمبر - 23:55
انا اسمى محمد جمال ابوالمعاطى خريج كلية التربية الرياضية خريج دفعة 2007/2008 قسم التدريب تخصص كرة اليد بتقدير جيد جدا الثامن على الدفعة وبلعب هاند بول فى نادى بورسعيد ان شاء الله انا الوقتى حاصل على دورة تحكيم كرة يد بس انا مستنى دورة تدريب قريب عشان انا دماغى فى التدريب وان شاء الله اسافر ادرب بره زى ناس كتير معايا فى النادى كل ده بجانب المصلحة بتاعتى البلاى ستيشن وعلى فكره انا كان اول هدف ليه وحققته اللى هو المحل ده بس لسه فى حاجات كتير معملتهاش وان شاء الله احققها بس بجد والله اجمل ايام كانت اجمال الكليه فياريت كلنا نضع اهداف قريبه من الواقع عشان نقدر يحققها
موضوع: رد: ناويين تعملوا ايه بعد ما تتخرجوا الخميس 1 أكتوبر - 18:46
اهلا بيك يا محمد معانا وان شاء الله يباشا ربنا يحقق ليك كل اللى بتتمناه وتقدر تعمل كل اللى نفسك فيه وفعلا كل واحد لينا لازم يكون ليه هدف علشان يحققه
موضوع: رد: ناويين تعملوا ايه بعد ما تتخرجوا الإثنين 12 أكتوبر - 10:49
شكرا ليك ياحوده
موضوع: رد: ناويين تعملوا ايه بعد ما تتخرجوا الخميس 5 نوفمبر - 18:22
انا اسمي احمد الشعراوي
في الدفعة الثالثة
انا لاعب في منتخب شمال سيناء للسباحة وحصلت علي دورة اعداد معلم سباحة واشتغلت الحمد لله في نادي القوات المسلحة بالعريش ومستني اخد دوره اعداد معلم اولمبي واسافر بره مصر ادرب سباحة انشأ الله
موضوع: رد: ناويين تعملوا ايه بعد ما تتخرجوا الخميس 5 نوفمبر - 19:05
ربنا يكرمك وتحقق كل اللى نفسك فيه
موضوع: رد: ناويين تعملوا ايه بعد ما تتخرجوا الجمعة 6 نوفمبر - 15:45
يارب ياصديقي
موضوع: رد: ناويين تعملوا ايه بعد ما تتخرجوا الخميس 17 ديسمبر - 8:56
انا نفسى اخلص وبس
موضوع: رد: ناويين تعملوا ايه بعد ما تتخرجوا الخميس 17 ديسمبر - 17:15
ليه يامها كده
خليكي متفائلة
موضوع: رد: ناويين تعملوا ايه بعد ما تتخرجوا السبت 19 ديسمبر - 13:56
بقولك ايه يا شعراوى لو فيه دوره انقاز قريب قولى ضرورى اوكى
موضوع: رد: ناويين تعملوا ايه بعد ما تتخرجوا الأحد 20 ديسمبر - 15:36
انا اصلا بقيت بروح الكلية دى على عينى عكس السنة اللى فاتت كنت بحب اروح الكلية اوى وعشان كده نفسى بجد اخرج من الكلية دى بقا معتش فيها حاجة عدلة ولا دكاترة ولا مواد ولا اصحاب ولا اى حاجة عدلة سورى وميرسى ع التوبيك
موضوع: رد: ناويين تعملوا ايه بعد ما تتخرجوا الأحد 20 ديسمبر - 19:13
انا نفسى اخلص عشان اتجوز واقعد فالبيت لا بجد انا نفسى فى حاجه اشتغل فى الكليه فى المجال اللى بحبه او ادرب فى نادى محترم ولو ما ملقيتش الكلام دا ودا اكيد طبعا انى مش هلاقى هكمل دراسه ثانكس عالتوبيك
موضوع: رد: ناويين تعملوا ايه بعد ما تتخرجوا الخميس 24 ديسمبر - 20:04
طيب وليه يا مستكه ميكونش اى نادى مجرد بداية ياعنى وبعدين ربنا يكرمك بنادى كويس لان دلوقتى صعب الواحد يدرب فى نادى كبير مرة واحدة الا اذا كان كفاءه كفاءه ياعنى