ليه هما عايشين قصة حب وانا لاء ؟؟ هما احسن منى فى ايه ؟؟
كاتب الموضوع
موضوع: ليه هما عايشين قصة حب وانا لاء ؟؟ هما احسن منى فى ايه ؟؟ الجمعة 4 يونيو - 17:51
النهاردة عاوزة اتكلم عن موضوع مهم اوى كل بنت بتمُر الا من رحم ربى طبعا يا بنات انا بنت زيكم ومريت بمراحل من عمرى كتيرة لو رجع بيا الزمن كنت هظبط فيها كتير اوى بس خلاص اليوم اللى بيعدى مبيجيش غيره والسنة اللى بتعدى محسوبة من عمرى وعمرك هكلمكم النهاردة فى أمل كل بنت فى الحياة وامنتيها الوحيدة انا عاوزة احب واتحب عاوزة اعيش قصة حب
الايام بتعدى والعمر بيفوت وانا عاوزة اتجوز واعيش حياتى بقى هو انا هفضل فى بيت اهلى كده كتير ده يأمر وده يشخط وده يتحكم قال يعنى اللى هتحبه مش هيتحكم فيها !
اغلب البنات على الحال ده دلوقت بتدخل الكلية علشان تحب وتتعرف وتصاحب مع انها المفروض داخله الحرم الجامعى (الحرم) !!!!!
طب والله انتو كدة ظالمين لنفسكو [/b]
ظالمين ايه يا حاجه؟؟؟ اه والله ظالمة لنفسك ترضى يوم القيامة تواجهى ربنا وانتى كنتى على علاقة بشاب من ورا اهلك لا هو جوزك ولا خطيبك وممكن كمان او الاكيد جداا انة اتفتن بيكى يعنى لما يجى بتحاسب هو كمان هيقول ياربى دة هى اللى اللى خلتنى اعمل كدة اية دة؟؟ استنى معنى كدة انك هتشيلى ذنبك وذنبة ...!!!! ياااة هو انتى قادرة تتحملى ذنوبك لما تتحملى ذنوبة ترضى ..ترضى تتحملى ؟! بيتهألى وقتها هتكونى عايزة حد يشيل عنك ذنوبك فوقت مينفعش فية لا بنين ولا بنون ولا اهل ولا مال </STRONG>
يا اختى...ده جرس إنذار؟؟؟ اذا كنت ترضى على نفسك كده ياحبيبتى انا مرضلكيش ابدا تكونى على الحال ده انا خايفة عليك ولازم تخافى على نفسك يعنى هو انت فاكرة انك كده ممكن تتجوزى !!! طيب ازاى تبقى ام مربية اجيال ازاى تبقى زوجة حامله للامانه وللمسئولية لو ارتبطى انت فاكرة انك هتربتطبى بشخص يدخل جنة ؟؟ ولو قبلك كده اكيد هيوصلك لطريق تانى خالص احنا مش عاوزينه احنا عاوزين الجــــــــنه أيــــــــــــــوة الجـــــــنه وعلى فكرة بقى علشان تكونى عارفه وعن تجارب كثيرة سمعت عنها والله الذى لا اله غيره ما فى حب الا فى الله الحب فى الحلال انت فاكرة ان الحب ده اللى هيخلى حياتك جنة والله العظيم متهيألك صحيح هيكون جنة بس لحد قبل الجواز لو حصل واتجوزتى اللى حبيتيه ومكنش على دين صدقينى يا اختى هتتعبى اوووووى اتقِ الله اختى الفاضلى فى دينك وفى نفسك وفى شرفك وفى اهلك وفى زوج المستقبل متخليش لك ماضى تخجلى منه ادام ربنا اولا ثم قدام زوجك هتقولى مش هتجوز يبقى معندكيش حسن توكل على الله لانه قال وفى السماءِ رزقُكُم وما توعدون فوربِ السماءِ والارض انه لحقٌ مثلما أنكم تنطقون يعنى جوزك مكتوبلك ورزقك جايلك جايلك ووالله قصص الحب بتاع اليومين دول وهم كبير اسمه الحب المزيف تعرفى ايه اول حب اول حب لما تكونى فى الحلال لما تحسى ان كل لمسه ايه وكل كلمه فى ميزان حسناتك لأنه زوجك انما انت لو عشتى قصة حب مزيف زى ما اتفقنا بالله عليك مش لما بتيجى تنزلى تقابليه بتبقى بتستخبى لاحسن حد يشوفك من اهلك ولا قرايبك !!! يعنى انت كده من اللى ربنا قال عليها بتستخبى من الناس وربنا احق ان تخافى منه وتتقيه وتخشيه صحيح ماحدش شافك بس ربنا بصير عليم مش لما بتكلميه بتبقى موطيه صوتك وعامله الموبيل من غير صوت لاحسن حد يسمعك !!! صحيح محدش سمعك لكن الله هو السميع البصير والله يا اختى ومنْ يتقِ الله يجعل له مخرجا ويرزقه من حيث لم يحتسب
هااااااااا لسه عاوزة تعيشى قصة حب لسة مصّرة على معصيه الله؟ لسة مش خايفة من عقاب الله؟؟!!
اختى انت مسلمة عندك حياء حافظِ عليها الحياء زينة الفتاة اوعى تضيعيه وتذكرى ما كان الحياء فى شيىء الا زانه وما انتزع من شيىء الا شانه
ويا اختى قال الله اعوذ بالله من الشيطان الرجيم"ولا مُتخِذات أخدان" يعنى أصحاب وبلغة العصر بوى فرند ولا جرل فرند
انا بكلمك انت لانى عارفه انت ااااايه انت اهلك ربوكِ على الدين وعلموك ازاى تتقى رب العالمين وتحافظى على حياءك وهيبتك امام نفسك قبل الناس
وانت الاساس انت اللى بتخلى اللى ادامك يحترمك وانت اللى بتخلى اللى ادامك يحاول انه يتقربلك وتذكرى لا تخضعى بالقول فيطمع الذى فى قلبه مرض ومن ترك شيئا لله عوضه الله خيرا منه لو مصاحبه سبيه لله ووالله هيعوضك ربنا خيرا منه حب الله حب رسول الله"صلي الله عليه وسلم" وحب الناس
وأوعى تقولى ربنا مش هيسامحنى ولا هيقبل توبتى أوعى ده ربنا غفور رحيم قال تعالى " قل يا عبادى الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم" صدق الله العظيم ربنا كريم ورحيم وعظيم ولما يغفركل ذنوب العالم مش هينقص من ملكه شئ ماتنسيش الحوار اللى حصل بين الله عز وجل و الشيطان لعنه الله لما كان الشيطان خارج من الجنه بيقول لربنا (وعزتك وجلالك لاغوينهم اجمعين ... وربنا بيرد عليه وبيقوله وعزتى وجلالى لاغفرن لهم ما دامو يستغفروننى) ايه رأيك !! فمن صبر على طاعة الله تعالى اعطاه الله تعالى يوم القيامة ثلثمائة درجة في الجنة كل درجة ما بين السماء والارض ومن صبر على محارم الله اعطاه الله يوم القيامة ستمائة درجة كل درجة مثل ما بين السماء السابعة والارض السابعة
اللهم ان ذنوبى عظيمة ولكن عفوك مغفرتك اعظم فاغفر لى وتب على ~~~ بحبكم فى الله جميعا
</STRONG>
[/b]
_________________
موضوع: رد: ليه هما عايشين قصة حب وانا لاء ؟؟ هما احسن منى فى ايه ؟؟ الأربعاء 9 يونيو - 16:42
موضوع جميل جدا يا هند ومهم اوى
بس عايز اقولك على حاجة فيه علاقات بتبأة مش كويسة وبتبأة غرضها مش كويس وفيه علاقات بتبأة محترمه وهى دى اللى بتكمل بجواز حقيقى والاهل بيكونو عارفين
والبنت اللى تفكر انها ليه مش عايشة قصة حب زى باقية اصحابها عمرها ما هتحب بجد وهتقع فى الغلط علشان كدة لازم كل بنت وكمان ولد ياخد باله كويس اوى من كل حاجة بيعملها
وطبعا مفيش احلى من حب ربنا فى الاول وفى الاخر لان هو ده اللى باقى
موضوع: رد: ليه هما عايشين قصة حب وانا لاء ؟؟ هما احسن منى فى ايه ؟؟ الخميس 10 يونيو - 11:17
مشكور على رايك ومرورك العطر بس يظهر ان التوبيك مشش نايل اعجاب الاعضاء انا عجبنى التوبيك فى احد المنتديات فحبيت تشاركونى الراى والثواب وبصراحه انا من رايى ان معظم العلاقات اللى بتبقى بين الشباب تبوء فى النهاية للفشل الا القليل جدا واللى بتكون مبنيه على الصح والخوف من الله والصدق والاخلاص
موضوع: رد: ليه هما عايشين قصة حب وانا لاء ؟؟ هما احسن منى فى ايه ؟؟ الخميس 10 يونيو - 17:47
مظبوط كلامك صح هو فعلا كتير اوى علاقات بتبأة فاشلة فى الاخر وده لانها مش مبنيه صح وشكرا يا هند على التوبيك مرة تانية
موضوع: رد: ليه هما عايشين قصة حب وانا لاء ؟؟ هما احسن منى فى ايه ؟؟ السبت 12 يونيو - 18:38
انا جييييييت سوري عالتأخير - كنت بتفرج علي ماتش الارجنتين -------------- بصراحة التوبيك جميل جدا و فعلا الكلام ده بيحصل و بنات كتير بتعيش العلاقات اللي قلتي عليها و بتوهم نفسها بانها اجمل قصة حب و بتفضل تبرر نفسها بأنها هتتجوز و تقول عاللي فات ماضي و راح و تنسي القديم بالجديد و المشكلة انهم بيفضلوا عايشين وهم اجمل قصة حب و بيضحكوا علي نفسهم -------- و برده كلام محفوظ مية مية و صح في كل حاجة - انا معاك يا معلم و البنت اللي بتفكر ليه مش عايشة قصة حب زي صحابها هيا يمكن تكون شايفة ان اللي قدامها دي قصة حب لاكن ممكن متكونش زي ما هيا فاكرة ان دول خلاص اللي خلصوا كلام الحب - بالعكس في قصص حب كتير فكسانة بس قدام الناس عايشين الدور ---------> أول حب <----------- اول حب يمكن بيكون احلي حب و عمره ما بيتنسي لاكن مش بيطول واللي مش مصدق ممكن يسأل كام واحد اتجوز اللي حبها اول حب ؟ لازم هتلاقي ذكريات جوه قلب كل واحد -------------------------------------- شكرا علي موضوع يا هند
موضوع: رد: ليه هما عايشين قصة حب وانا لاء ؟؟ هما احسن منى فى ايه ؟؟ الخميس 17 يونيو - 13:25
ميرسى على مرورك ورايك الجامد
ليه هما عايشين قصة حب وانا لاء ؟؟ هما احسن منى فى ايه ؟؟
موضوع: ليه هما عايشين قصة حب وانا لاء ؟؟ هما احسن منى فى ايه ؟؟ 
الجمعة 4 يونيو - 17:51
</STRONG>
