الحقيقه انا عايز اتكلم فى موضوع مهم جدا وهو انا معظم طلبة كلية تربيه رياضيه لا يصلحو لها ودى مشكله ويرجع الطالب يقول الكليه صعبه الدكاتره معملتها مش كويسه
اولا من وجهة نظرى انا شايف ان كلية تربيه رياضيه من كليات القمه بدون مبالغه حيث بتوفر لك العمل فى المجال الرياضى من مدرب مدرس ادارى اخصائى اصابات وتاهيل اعلام رياضى تسويق رياضى الغوص التدليك الانقاذ مجالات كتير جدا ممكن تعمل فيها من خلال الكليه
ثانيا لازم ترد على الجهلاء اللى بيغلتو فى حق كليتك اللى لما بيعرف انك فى تربيه رياضيه بيقول هتتطلع مدرس العاب قولو ايه المشكله مدرس العاب ده بيتقاضى 5000درهم فى الامارات وفى مصر المرتب بيبدا من 300 جنيه وغير مكافات المراقبه والتصحيح ده بالنسبه لمدرس العاب اللى بيبقى اكتر مدرس محبوب من الطلبه كلها
ثالثا موضوع معاملة الدكاتره انا هقول كلمتين فى الموضوع ده اول حاجه شوف معاملة الدكاتره بتاعت الكليات التانيه عمله ازاى بس اسال صحابك اللى فى الكليات التانيه الدكاتره بيعملوهم ازاى بعدين كل حته فيها الكويس والوحش بعدين ده استاذ جامعى يعنى وهو طالب ادك كان متفوق وملتزم عشان كده وصل للمكانه دى اقل حاجه احترمه بعدين احنا بشر مش ملايكه لو دكتور عاملك وحش شوف كام دكتور بيعملك كويس
رابعا مش مستحمل نظام الكليه من طابور وتقوم من النوم بدرى وجرى وتمارين دخلتها ليه الحاجات دى كلها بتعمل منك راجل اتفرج كده على شباب اى معهد مع احترامى مناظرهم عمله ازاى وبص لنفسك وانت لابس الترنج وقاصص شعرك وفكر كده وشوف مين مظهره احسن