حب من طرف خايب

13/12/2008

هو احنا ليه بنعذب نفسنا و نحب من طرف واحد

هو ليه دايماً عندنا كرم في مشاعرنا ؟!!!!!!!!!!!!!!!!!!

ليه لما نقابل شخص و نعجب بيه و نحبه نكون مستعدين ندي له عمرنا ، حتى لو مش حاسس بينا و لا واخد باله مننا

و لا فارقين معاه أصلاً ؟! و مع ذلك بنفضل مستمرين في تضييع مشاعرنا ، و مستمرين نوظف إحساسنا في المكان

الغلط ، و مع الشخص الغلط ؟! ليه نفضل حاطين عنينا عليه طول اليوم ، مع إنه مااهتمش حتى يقول لنا صباح الخير

[ندعوك للتسجيل في المنتدى أو التعريف بنفسك لمعاينة هذه الصورة]

ليه لما نشوفه جسمنا يتنفض و نسمع دقات قلبنا حققت رقم قياسي ، و هو واقف قدامنا و كأنه مش شايف حد

ليه يشغل بالنا ليل نهار و احنا مش متأكدين حتى إنه فاكر اسمنا ؟!!!!!

ليه نفضل سهرانين طول الليل في البلكونة مستنين منه طلة أو نشوفه داخل أو

خارج و هو كل مرة بيخرج يقفل البلكونة بعد ما يقول لنا مساء الخير بعد اذنك

ليه نفضل طول اليوم بنفكر له إزاي يطور شغله و إزاي يبني مستقبله ، و هو عمره ما سألنا و لا عاملين إيه

في شغلنا ؟!!!!!!!!!!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

ليه دايماً عندنا إحساس إن عدم اتصاله بينا عشان رقمنا ضاع منه ، و هو هيموت و يلاقيه ؟! ليه بنطير من الفرح أول ما

بنشوف اسمه ظهر على الموبايل و هو عمره ما اتصل بينا غير عشان يسألنا عن حاجة ؟! ليه بنعتبر نظرته لينا دي أكبر

أمنياتنا ، و يا سلاااااااااام لو ضحك !!!!!!!!

ليه عمره ما علق على لبسنا أو شكلنا الجديد ، و مع ذلك بنحضر لليوم اللي هيشوفنا فيه قبلها بيومين ؟!!!!!!!!!

ليه دايماً نشكر و نمدح فيه ، و هو عمره ما قال لنا كلمة حلوة ؟! ليه دايماً هو أول واحد نفكر نبعت له رسالة في كل

مناسبة ، و هو نادراً ما بيرد عليها ؟! ليه كل ما بيغلط في حقنا بنخلق له ألف عذر و سبب من غير ما هو حتى يتكلم ،

و كأننا مش عايزين نتعبه بالاعتذار ؟!!!!!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

ليه احنا دايماً شايفينه نازل من السماء و هو على طول شايف كل تصرفاتنا غلط ؟! ليه دايماً بنقدم سعادته على

حسابنا ؟! ليه بنحاول دايماً نهرج معاه و هو مصمم يخلي كلامه رسمي ؟! ليه مابننساش أي لحظة أو موقف بينا ، و

هو مش فاكر اتعرفنا على بعض ازاي ؟!!!!!!!!!!

ليه دايماً نكون أول حد يجيب له هدية في عيد ميلاده و هو عمره ما سألنا عن عيد ميلادنا إمتى ؟! ليه بيتأخر عن

مواعيدنا و احنا بنكون جايين قبلها بساعة ، و بمجرد ما بنشوفه بننسى الوقفة لساعات في الشمس ؟! ليه دايماً

بنكون مش عايزينه يعيب عن عنينا لحظة ، و هو دايماً شغله و التزاماته أهم ؟!!!!!!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

ليه دايماً بنكون حريصين نسمع صوته و نتطمن عليه كل شوية ؟! ليه بنفضل على كده لحد ما يجيي يوم يقابلنا في

الشارع ، و يقولنا " إن شاء الله هتبارك لي قريب " فنرسم على وشوشنا ابتسامة مفضوحة و نقول له " بس ابقى

اعزمنا " .

هو احنا ليه بنعذب نفسنا و نحب من طرف واحد

حب من طرف خايب

[ندعوك للتسجيل في المنتدى أو التعريف بنفسك لمعاينة هذه الصورة]

07/12/2009

هو ده الحب [ندعوك للتسجيل في المنتدى أو التعريف بنفسك لمعاينة هذه الصورة]

مش فيه ليه بأه

وده مش طرف خايب ده طرف مظلوم
و مش ذنبه انه حب الشخص ده
و هو راضي يتعب علشانه و مبيحسش بالتعب ده زي ما انت فاكر
علشان هو شايف كل حاجه تهون علشانه
هو الي ممكن يتعبه بس انه ميحسش بيه

ده الي انا شايفاه معرفش بأه

08/10/2009

تمام يا محمود كلامك صح

13/12/2008

ثانكس يا ريرى ويا بطاطا منورين التوبيك وثانكس ليكم على رأيكم