بنحب بعض....ولكن؟
السلام عليكم
ازيكم يا احلى شباب وبنات...
اولا بشكر كل الناس اللي بترد على المواضيع وبتعجبها
انا سعيد جدا بيكم
موضوع النهرده
مهم جدا لكل اتنين بيحبو بعض
ناس كتير بتعمله
جزء منه غيره
وجزء ثقه
وجزء عند
واجزاء تانيه كتير
تعالو اقولكم ايه الموضوع
اتنين بيحبو بعض ....لكن كل واحد منهم عايز يثبت للتاني انه كنز ...لازم يحافظ عليه كويس
يعمل ايه بقى الطرف ده ؟؟
يحاول يستثير غيره الطرف التاني بأي شكل
يعني مثلا
البنت تكلم حبيبها تقولو تصدق ان في واحد جارنا هيموت عشان يخطبني ؟؟
وهي كدابه ...بس عايزه تحسسه بقيمتها
او لما تحط مكياج وتحلو شويه .. تقولو انا معرفتش امشي في الشارع من الشباب
والشارع كان فاضي اصلا بس حركات
وهو يروح يقولها
انا بتجيلي اميلات كتير اعجاب على النت... هيموتو عليا
وممكن يكون محدش بيعبره .... لكن عايز يحسسها بقيمتو
او يقول البنت اللي معايا في الجامعه هتموت وتاخد رقم موبايلي
وهو ميعرفش اصلا بنات...بكتير يعرف حرس الجامعه
هما الاتنين بيحبو بعض
لكن كل واحد رافض انه يكون اقل من التاني
الناس اللي بتعمل ده بتكون بتفكر بالشكل ده
دايما تقول
انا مش اقل منك ؟؟
عايز اعرف راي حضراتكم في الموضوع ده
وياريت لو حد بيعمل كده يقولنا لييه ؟؟
وهل الحكايه دي مفيده في علاقه الحب ولا مش مفيده ؟؟
هل ده بسبب ان الاتنين شخصيتهم قويه ... وكل واحد رافض سيطره التاني عليه ؟؟
منتظركم